Wi-Fi 
Basseyn 
Konferentsiya xonasi 
Avtoturargoh 
Restoran 
Sauna 
Sportzal 
Bolalar maydonchasi Davolash
"Humson Buloq" sanatoriy-kurort majmui yurak-qon tomir tizimi, nafas olish organlari, tayanch-harakat apparati kasalliklariga chalingan odamlarni profilaktik davolashga ixtisoslashgan. Majmua fizioterapiya va gidroterapiya protseduralarini o‘tkazish uchun yuqori samarali GBO va RMS uskunalari bilan jihozlangan. Sanatoriyda eng yaxshi reabilitatsiya dasturlaridan biri ishlab chiqilgan.
Fizioterapiya – toklar, magnit maydonlari, lazer, ultratovush va boshqalar foydalaniladigan davolash metodi. Ular tinchlantiruvchi, og‘riqni qoldiruvchi hamda tonusni oshiruvchi, yallig‘lanishga qarshi va spazmlarga qarshi ta’sirga ega bo‘lib, odamning tabiiy va o‘ziga xos immunitetini oshirishga ko‘maklashadi. Samarasi 4-5 protseduradan keyin seziladi.
Ozon terapiyasi, fizioterapevtik davolash turlaridan biri sifatida nisbatan yaqinda paydo bo‘lgan. Tabiiy gaz hisoblangan ozon qo‘latiladigan ushbu protseduralar ham tashqi tomondan, ham vena ichiga qo‘llanadi. Ular yallig‘lanishga qarshi, bakteritsid, analgetik, immunitetni rag‘batlantiruvchi xususiyatlarga ega bo‘lib, ko‘plab xastaliklarni davolashga yo‘naltirilgan. Ko‘p hollarda ozon terapiyasini kuchli va tez-tez boshi og‘riydigan, vegeto-tomirli distoniya, bosh miyada qon aylanishining buzilishlaridan aziyat chekuvchi kishilarga tayinlanadi. Yurak va tomir kasalliklarini davolashda qo‘llanadi. Ozon yordamida gastritlarni, oshqozon yarasi kasalliklarini, kolitlarni davolash, prostatit va uretritdan xalos bo‘lish mumkin. Ko‘p hollarda ozon terapiyasidan ozish uchun ham foydalaniladi, chunki ozon organizmdagi metabolik jarayonlarni tezlashtiradi.
Gidroterapiya – sog‘lomlashtirish va turli kasalliklarni bartaraf etish uchun samarali protsedura. Suv nafaqat o‘zining asosiy ko‘rinishida, balki muz va bug‘ shaklida ham qo‘llanadi. U infeksion kasalliklarning alomatlaridan xalos qilishga, qon aylanishi bilan bog‘liq muammolarga ega kishining holatini yaxshilashga hamda surunkali og‘riqlarni bartaraf etishga qodir.
Ippoterapiya – og‘ir kasalliklardan keyin tiklanish va ko‘plab kasalliklarni davolash uchun hayvonlardan foydalanish. Ko‘p yillik tadqiqotlar sog‘liq, ayniqsa jajji bemorlar uchun otlar, delfinlar va boshqa jonivorlar bilan mashqlarning samarali ekanini isbotladi. U ruhiy kasalliklarni, harakat apparatidagi buzilishlarni, sezgi organlari kasalliklarini davolash, jarrohlik operatsiyalaridan keyin tiklanish uchun qo‘llanadi. Natijada kishi o‘z qo‘rquvlaridan xalos bo‘ladi, yangi do‘stidan ishonishni o‘rganadi. Noqulaylik, beso‘naqaylik, mushak zo‘riqishi ketadi. Tormozlanish yo‘qoladi, xavotirlanish ketadi, bemor mustaqilroq bo‘ladi, bu esa buzilgan nerv aloqalarini tiklash, nerv tolalari impulslarini o‘tkazishda kompensatorli richaglarning shakllanishi uchun zamin yaratadi.
Yangi! Barcha dam oluvchilar uchun!
Shifolashning yana bir usuli sifatida Shimoliy yurish.
Humson Buloq inson organizmiga yaxshi ta'sir ko‘rsatadigan noyob mikroiqlimga ega. Humson Buloq hududida o‘tkazilgan atmosfera-geokimyoviy o‘lchovlar turli kationlar (K+, Na+, Ca2+, Mg2+, Fe2+, Zn2+) va anionlarning (Ce-, SO42-) ancha yuqori konsentratsiyasini aniqladi. Shuningdek, engil atmosfera ionlarining yuqori konsentratsiyasi. Ajoyib, ignabargli daraxtlar bilan o‘ralgan, ko‘p darajali landshaft, unda kilometrlab yurish yo'llari mavjud. Skandinaviya tayoqlari bilan yurish ko‘rinishidagi mini-trekking (har bir bemor uchun individual) endi har bir lager dasturiga kiritilgan.
Yashash
"Humson Buloq" sanatoriysi 155 nafar mehmonni joylashtirish uchun turli toifadagi shinam xonalarga ega to‘rtta qulay korpusni va alohida joylashgan, keng terrasali yoki balkonli to‘rtta ikki qavatli kottejni taklif etadi. Mehmonlar uchun kompleks ovqatlanish 130 kishilik restoranda amalga oshiriladi, bu yerda 8 kishi uchun mo‘ljallangan uchta alohida VIP-xona ham bor. Tozalash ishlari har kuni amalga oshiriladi, choyshablar 3 kunda bir marta yoki so‘rov bo‘yicha almashtiriladi. Shuningdek, mehmonlar kirxona xizmatlaridan ham foydalanishi mumkin.
Standard. Ushbu xona 1, 2, 3, 4 va 6 kishi joylashishi uchun mo‘ljallangan.
DeLuxe. Yaxshilangan xona, bu yerda qulaylik va maydon hordiq uchun o‘ziga xos muhit yaratadi. Derazalar polgacha tushgan, derazadan ignabargli daraxtlar o‘sayotgan boqqa go‘zal manzara ochiladi, bu mehmonlarga bo‘shashish va o‘z kuchlarini tiklash imkonini beradi. Ushbu xona 1, 2 va 3 kishini joylashtirish uchun mo‘ljallangan.
Luxe. Bu yerda shinamlik, qulaylik va Xumson tog‘lari bag‘rida o‘zingizni uydagiday his qilish uchun hamma narsa bor. Shinam interer, monumental jihozlanish, xonalar maydoni, polgacha tushgan manzarani ochuvchi derazalar va maftunkor bog‘ manzarasi mehmonlarga hordiq chiqarish va o‘z kuchlarini tiklash imkonini beradi. Ushbu xona 1, 2 va 3 kishi joylashishi uchun mo‘ljallangan.
4 o‘rinli kottej. Toza havoda, uy sharoitida oilaviy yoki do‘stlar bilan dam olish uchun ideal tarzda mos keladi. Keng terrasa yoki ikkinchi qavatdagi balkon lazzatlanish imkonini beradi.
Ko‘ngilxushliklar
Protseduralar va dam olishdan bo‘sh vaqtingizda tashvishlardan va uydagi muammolardan xalos bo‘lish maqsadida o‘zingiz uchun biror qiziqish topish juda muhim. "Humson Buloq" sanatoriysida bu haqda bosh qotirib qo‘yishgan. Bu yerda vaqtni faol o‘tkazishdan tortib, to uni xotirjam o‘tkazishgacha bo‘lgan ko‘ngilocharliklar mavjud.
Faol turmush tarzi ishqibozlari uchun hududda basseyn (yopiq va ochiq), ikkita tennis korti, yugurish yo‘lkalariga ega futbol maydoni, basketbol va voleybol maydonlari bor. Shuningdek siz stol tennisi yoki bilyard o‘ynashingiz mumkin.
Bolalar uchun sanatoriy hududida o‘yin maydonchasi va enaga xizmatlari mavjud. O‘z vaqtini qiziqarli kitob bilan o‘tkazishni xush ko‘ruvchilar uchun uncha katta bo‘lmagan kutubxona faoliyat ko‘rsatmoqda. Yumshoq kreslolarga ega katta kinoteatr sizni o‘z filmotekasining rang-barangligi bilan hayratda qoldiradi.
Sanatoriy hududida mehmonlar uchun 25 ta yog‘och karavot joylashtirilgan, ularning katta qismi Ugam daryosi bo‘yida joylashgan. Bu yerda mazali tuglik tayyorlash uchun yozgi oshxona, hojatxona va dushxona bor. Favvora yonidagi yog‘och karavotlar ham vaqtni yaxshi o‘tkazish uchun barcha zarur narsalar bilan jihozlangan. Sport maydonlariga yaqin joylashganlik kunni faol va voqealarga boy o‘tkazish imkonini beradi. Yog‘oya karavotlar daraxtlar ostida, soya-salqin joyda joylashgan, bu yerda Ugam daryosining taronasini tinglash mumkin.
Shuningdek, sanatoriyda 130 kishi uchun konferensiya o‘tkazish ham mumkin. Qulay kreslolar bilan jihozlangan keng zal mavjud, kreslolar teatr uslubida joylashgan, sahna, o‘lchami 5x3 m o‘rnatma ekran, proyektor, uskunalar to‘plami, flipchart va texnik ko‘mak xizmati – bu taqdimotlar, konferensiyalar, seminarlar va boshqa tadbirlarni o‘tkazish uchun ideal joy. Zamonaviy texnologiyalar va konferensiyalar paketiga kiruvchi texnik ko‘mak xizmati tufayli uskunalarni sozlash va ulash ishlari ko‘pi bilan 5 daqiqani egallaydi. Konferens-zal yaqinida restoran joylashgan, bu yerda qahva-breyklar o‘tkaziladi, retsepshn yoki tantanali kechki ovqat tashkil qilinadi.
|
Dam olish maskani hududida spirtli ichimliklarni iste'mol qilish taqiqlanadi. Agar bu fakt aniqlansa, mehmonlar kurortni tark etishga majbur bo'ladi. |
Turistik qo‘llanma
Mamlakatlar
Kompaniya
Chet el pasportini olish to'g'risida iloji boricha erta g'amxo'rlik qilishingizni so'raymiz. Bu sizga so'nggi paytlarda viza olish va bron qilish xizmatlari bilan bog'liq bo'lgan stress va qo'shimcha xarajatlarni oldini olishga yordam beradi.
OVIR-ning Toshkentdagi manzillari
Shikoyat va takliflar