16 qavatli "City Palace Hotel" mehmonxonasi gahar markazida qulay joylashgan bo‘lib, 251 ta qulay nomer mehmonlarga xizmat ko‘rsatish uchun muntazir. Xonalarning hammasi, sinfidan qat’i nazar, shinam va did bilan jihozlangan.
Xonalardagi panoramali derazalar xavfsizlik maqsadlarida ochilmaydi. "City Palace Hotel" mehmonxonasida konditsionerlash va ventilyatsiya qilishning yagona tizimi amal qiladi, bu xonalarda quday harorat rejimini saqlash imkonini berad.
Standard Single, Double / Twın, Triple – yorqin yashil va quvnoq sariq ranglar uyg‘unligi xonada alohida iliqlik va shinamlik kayfiyatini yaratadi. Standart nomerda qulay yashash uchun barcha zarur narsalarni topish mumkin.
Studio Room katta maydonga ega. Nomerni ikki zonaga ajratish mumkin: ishchi va dam olish. Xonani pardoz qilishda to‘q ko‘k va iliq sariq ranglardan foydalanilgan, bu ranglar mushak chigallarini yozishga va yaxshi kayfiyatga kelishga imkon yaratadi.
Suite Room ajoyib och ranglarda bezatilgan, u ikki xonadan iborat: yotoqxona va ish xonasi. Xonalarning har biri alohida vannaxonaga ega. Interyer jihozlari – guldonlar, kartinalar va chiroqlar ko‘zni quvontirib turadi.
President Apartment – bu hashamatli apartamentlar bo‘lib, ular keng yotoqxonani, divanlar bilan jihozlangan shinam mehmonxonani, konferensiyalar uyushtirish mumkin bo‘lgan uchrashuvlar uchun zalni hamda keng vannaxonani o‘z ichiga olgan. O‘zbekiston rassomlarining nodir asarlari sizga estetik rohat bag‘ishlaydi.
Barcha xonalarda quyidagilar bor:
- karavot, kiyim-kechak shkafi, qo‘shimcha karavot (so‘rov bo‘yicha)
- yozuv stoli, qahva stolchasi
- ultra yupqa LED televizor, kabel televideniyesi
- telefon
- shaxsiy gigiyena buyumlari
- vannaxona, fen
- hammom xalati, shippak (Studio Room, Suite Room, President Apartment)
- mini-bar
- budilnik-radio
- dazmol va dazmol qilish doskasi (so‘rov bo‘yicha)
- mehmon uchun anjomlar
Shuningdek mehmonxonada imkoniyati cheklangan kishilar uchun mo‘ljallangan xonalar ham bor.
Mehmonxonaning boy infratuzilmasi sharq va yevropa oshxonalarining tansiq taomlari tayyorlanadigan bir nechta bar va restoranlarni o‘z ichiga oladi. Siz kutubxonaga ega shinam launj-zonada to‘liq hordiq chiqarishingiz mumkin, yorqin hissiyotlar va taassurotlarni xohlasangiz – buni karaoke-bar to‘liq ta’minlaydi.
Mehmonxona foyesida mehmonlar va tashrif buyuruvchilar uchun issiq, salqin va alkogollik ichimliklarning katta assortimentiga ega qulay "Lobby Bar" kofe-bari joylashgan. Bu yerda siz do‘stlar bilan bir finjon qahva ustida suhbat qurishingiz yoki biznes bo‘yicha hamkorlar bilan muhim loyihalarni muhokama qilishingiz mumkin. Yumshoq kreslolar va iliq chiroqlar sizni shahar govqin-suronidan chalg‘itadi, mehmondo‘st xodimlar esa mamnun bo‘lib qolishingiz uchun barcha ehtiyojlaringizni qondiradi.
Shinam "Amudaryo" restorani uchrashuvlar o‘tkazish uchun mo‘ljallangan. Keng derazalarga ega yorug‘ terrasa ichki boqqa qaragan bo‘lib, yozgi basseyni bor. Taomlarning keng tanlovi va shinam muhit restoranni gastronomiya shinavandalari uchun ajoyib joyga aylantiradi. Chekmaydiganlar uchun 100 ta o‘rin va chekadigan mehmonlar uchun 80 ta o‘rin taqdim etiladi.
"Marrakesh" restorani uncha katta bo‘lmagan tadbirlar va xususiy bayramlarni o‘tkazish uchun mo‘ljallangan. Marokash uslubidagi g‘aroyib interyer restoranga sirlilik va sharqona ko‘rkamlik baig‘shlaydi. Restoran 30 nafargacha kishini sig‘dira oladi, ularning har biri tansiq taomlardan, iliq muhit va bayram kayfiyatidan mamnun bo‘ladi.
Shinam bejirim "Lounge Bar" biznes hamkorlar bilan qahva-breyklar va lanchlar uchun juda mos keladi. Shuningdek, bu fotosessiyalar o‘tkazish uchun juda go‘zal joy.
Bundan tashqari, mehmonxonada turli uchrashuvlar va konferensiyalarni o‘tkazish uchun sharoitlar yaratilgan. Turli muzokaralar va seminarlarni o‘tkazish uchun 4ta mavzuli konferens-zal (ularning interyeri O‘zbekistonning mashhur shaharlarini takrorlaydi) mavjud. Har birining sig‘imi 10 kishidan 40 kishigacha.
Umumiy sig‘imi 300 kishigacha bo‘lgan hashamatli "Grand Ballroom" banket zali katta tadbirlarni, banketlar, to‘ylarni o‘tkazish uchun mo‘ljallangan. Restoranning boy interyeri tadbirga alohida nuquz va o‘zgacha hagamat bag‘ishlaydi. U rasmiy formatdagi konferensiyalarni o‘tkazish uchun ideal tarzda mos keladi, bunda unga qahva-breyk hamda tanaffus paytida muzokaralar uchun alohida foye kiritilishi mumkin. Menyuda sharq va yevropa oshxonasining taomlari taqdim etilgan.
Beauty Salon bir zumda ko‘rkam qiyofaga kirish, bejirim uslubga ega bo‘lish uchun sartaroshlar va stilistlarning professional xizmatlarini taqdim etadi. Salon qoshida massaj xonasi ishlaydi, bu sizga mushaklar chigalini yozish va kompleks davolovchi protsedurani olish imkonini beradi.
Shuningdek yozgi va qishki basseynlar, jakuzi, sauna, trenajyor zali va tennis korti ham bor.