Flynas Jidda – Toshkent havo qatnovini yo‘lga qo‘ydi

Flynas Jidda – Toshkent havo qatnovini yo‘lga qo‘ydi

Saudiyaning Flynas loukoster aviakompaniyasi Jidda – Toshkent yo‘nalishi bo‘yicha muntazam parvozlarni yo‘lga qo‘ydi.

Birinchi parvoz 2022-yil 15-sentabrda amalga oshirilgan.

Loukoster aviakompaniya Saudiya Arabistonidan O‘zbekiston poytaxtiga haftasiga ikki marta – dushanba va payshanba kunlari parvoz qiladi. Parvozlar Airbus 320 samolyotlarida amalga oshiriladi.

Flynas uchun bu O‘zbekistondagi ikkinchi yo‘nalish. 2021-yil avgust oyidan boshlab Ar-Riyod – Toshkent – Ar-Riyod yo‘nalishida xizmat ko‘rsatmoqda.

Flynas (sobiq Nas Air) 2007 yilda tashkil etilgan. Hozirda u 38 ta samolyot parkiga ega bo‘lgan eng yirik arzon aviakompaniyalar qatoriga kiradi, ularning uchdan bir qismi 2021-2022 yillarda sotib olingan.

Aviakompaniya ma'lumotlariga ko‘ra, mamlakatlar o‘rtasidagi yangi to‘g‘ridan-to‘g‘ri reyslar Haj va Umra ziyoratlariga boradigan ziyoratchilar, tadbirkorlar va sayyohlarni tashish imkoniyatlarini kengaytiradi.

Siz bizning veb-saytimizda onlayn chiptalarni bron qilishingiz va sotib olishingiz mumkin