2022-yil uchun smenalar jadvali
1 smena: 06.06–18.06 2 smena: 20.06–02.07 3 smena: 04.07–16.07 4 smena: 18.07–30.07 5 smena: 01.08–13.08 6 smena: 15.08–27.08
|
"Asaka" bolalar sog‘lomlashtirish oromgohi 2017-yildan buyon faoliyat ko‘rsatadi. Bu g‘aroyib joy bo‘lib, bola bu yerda shunchaki qiziqarli hordiq chiqarish bilan birga muayyan hayot maktabini ham o‘taydi. U ko‘chada sang‘ib yurmaydi, bolada yangi qiziqarli tanishlar paydo bo‘ladi, turli hayotiy ko‘nikmalarga ega bo‘ladi. Bu uning uchun katta va mustaqil va, hatto, qiyin hayot tajribasiga aylanadi. Hozirgi ruhshunoslarning ta’kidlashicha, bolalar ota-onasining nazoratisiz o‘z tengdoshlari bilan muloqot qilishi zarur. Bizning vazifamiz esa – bolalarni intellektual, ma’naviy va jismoniy rivojlantirishda ham ularning, ham oromgohning slohiyati va imkoniyatlaridan maksimal foydalanishdir!
- toza tog‘ havosi, g‘aroyib tabiat
- to‘laqonli ovqatlanish
- vaqtni qiziqarli o‘tkazish – faol o‘yinlar, yangi do‘stlar, improvizatsiyali kontsertlar, spektakllar va tanlovlarda qatnashish
- basseynda suzish
- qo‘riqxona bo‘ylab qiziqarli sayrlar-ekskursiyalar
Boshqa ko‘plab tadbirlar farzandingizga yoqishi shubhasiz!
Yashash
Bolalar yaxshi jihozlangan korpuslarda yashaydi. Oromgoh bir smenada 180 bola uchun mo‘ljallangan.
Ovqatlanish
Oqilona 6 martalik ovqatlanish. Oshxona sig‘imi bir smenadagi bolalar soniga mo‘ljallangan. Oshxonada har bir otryadning o‘z joyi bor. Bolalar navbat kutmaydi, balki hamma bir vaqtning o‘zida, o‘z otryadiga biriktirilgan joyda ovqatlanadi. Oshxonada ofitsiantlar faoliyat ko‘rsatadi.
Dam olish
"Asaka" bolalar sog‘lomlashtirish oromgohi – bu ajoyib ko‘ngilochar dasturga ega oromgoh bo‘lib, uning asosida bolalar hordig‘ini tashkillashtirishga zamonaviy yondashuv yotadi.
Tashkilotchilar oromgohning pedagogik tarkibi bilan birga bolalar uchun ta’til kunlarida ENG qiziqarli va foydali tadbirlarni o‘ylab topadi:
- quvnoq bolalar shou-dasturlari, syurprizlar va o‘yinlar
- turli-tuman mahorat darslari
- aktyorlik mahorati, xoreografiya, vokal darslari
"Asaka" oromgohida bolalar o‘zini olimpiada chempioni, siyosatchi, rejissyor, aktyor, xonanda va boshqa kasb sohiblari rolida sinab ko‘rishi mumkin.
Shuningdek bolalar uchun:
- basseyn ishlaydi
- diskotekalar, kinonamoyishlar o‘tkaziladi
- kutubxona, to‘garaklar faoliyat ko‘rsatadi
Bundan tashqari, ko‘chma teatr va konsert tomoshalari tashkil etiladi: katta qo‘g‘irchoqlar teatri, lazerli shou, ko‘chma sirk dasturi, turist kuni, Neptun kuni va eng unutilmas ajoyib tadbir – GULXAN!
Pedagogik faoliyat
Bizda turli sohalarning yuqori malakali mutaxassislari ishlaydi, ular biz bilan bir necha yildan buyon hamkorlik qiladi. O‘z ishini va bolalarni sevadigan tajribali pedagoglar va shifokorlar jamoasi har bir jajji yurakka yo‘l topadi. Hech kim qiziqarli oromgoh hayotidan chetda qolmaydi.
Tibbiyot
Oromgoh hududida jihozlangan va bemorlarni qabul qilish, birinchi tibbiy va ambulatoriya yordaminiko‘rsatish uchun tibbiy korpus ham mavjud. Unda maxsus jihozlangan karantin bo‘lmasi ham bor.
Xavfsizlik
Barcha xavfsizlik va sterillik choralariga amal qilinadi va tekshiriladi! Bizning sharoitlarimiz hozirgi talablarga to‘liq javob beradi!
[ ! ] Hududni tozalash va toza saqlash ishlari TO‘LIQ oromgoh xodimlarining zimmasida bo‘ladi
[ ! ] Bolalar uchun kirxona har bir otryad uchun kunora jadval bo‘yicha ishlaydi
|
Ota-onalar uchun ma’lumot
Oromgohga quyidagilarni olib kirish taqiqlanadi:
- quruq sharbatlar va ichimliklar, tez tayyorlanadigan sho‘rvalar va makaronlar
- Coca-Cola, Pepsi, Fanta, Sprite’ga o‘xshash gazlangan ichimliklar
- chipslar, tez ovqatlanish korxonalarining yeguliklari
- tarvuz, qovun
- gurut, zajigalka, mushaklarning barcha turlari, har qanday turdagi pichoqlar!
- dori vositalarining barcha turlari! (agar farzandingizga biror-bir sababga ko‘ra dori zarur bo‘lsa, iltimos, bu haqda anketada ma’lum qiling (bazadagi tibbiy xodimlar bilan muvofiqlashtirish uchun), keyin barcha zarur narsalarni tayyorlab, avtobusga chiqishdan oldin vojatiyga bering)
- qimmatbaho video va audio apparatura, qimmatbaho buyumlar, taqinchoqlar va pullar
Oromgoh ma’muriyati uyali aloqa telefoni, zargarlik buyumlari va naqd pullar yo‘qolgani uchun javobgar bo‘lmaydi!
|