2022-yil uchun smenalar jadvali
1 smena: 17 iyun – 28 iyun 2 smena: 28 iyun – 9 iyul 3 smena: 12 iyul – 23 iyul 4 smena: 23 iyul – 3 avgust 5 smena: 3 avgust – 14 avgust
|
"Kamalak" bolalar sog‘lomlashtirish oromgohi 1974-yildan buyon faoliyat ko‘rsatadi. Oromgoh hududi obodonlashtirilgan bo‘lib, ko‘p yillik daraxtlar soya-salqin berib turadi, bu yerda ignabargli daraxtlar juda ko‘p. Oqtoshning musaffo tog‘ havosi, basseynda cho‘milish, kundalik badantarbiya bolalar toblanishining garovi va turli kasalliklardan profilaktikaga aylanadi.
Yashash
- bir qavatli yotoq pavilonlari (qizlar va o‘g‘il bolalar alohida)
- issiq suvli dushxonalar (har kuni ishlaydi)
- hovlida joylashgan hojatxonalar (pavilon yaqinida joylashgan)
- bolalar o‘yin maydonchasi
- voleybol, basketbol maydonlari
- futbol maydoni
- stol tennisi
- 2 ta suzish basseyni: 1 ta ochiq yozgi, 1 ta yopiq (suvi isitiladi)
Ovqatlanish
Kaloriyali va turli-tuman 6 martalik ovqat: nonushta, ikkinchi nonushta, tushlik, ikkinchi tushlik, kechki ovqat, ikkinchi kechki ovqat. Taomlar sifatli va yangi mahsulotlardan tayyorlanadi. Bo‘stonliq tuman SES oshxonaning sanitariya-gigiyena holatini muntazam ravishda tekshirib turadi, shuningdek ichimlik suvi, mahsulotlar hamda kaloriyasini tekshirish uchun tayyor ovqat namunalari tahlil qilinadi.
Dam olish
- bolalar o‘yin maydonchasi
- voleybol, basketbol maydonlari
- futbol maydoni
- stol tennisi
- 2 ta suzish basseyni: 1 ta ochiq yozgi, 1 ta yopiq (suvi isitiladi)
Pedagogik faoliyat
50-55 nafar bolaga mo‘ljallangan har bir otryadga 1 nafar tarbiyasi va 2 ta vojatiy belgilangan. Tarbiyachilar – oliy pedagogik ma’lumotga ega, vojatiylar – oliy o‘quv yurtlari va kollejlarning talabalari. Tarbiyachilar va vojatiylar bolalar bilan birga yashaydi. Otryadlar bo‘yicha ro‘yxatdan o‘tish bolalarning yoshiga qarab Toshkentdagi yig‘ilish joyida amalga oshiriladi. Katta tarbiyachi va katta vojatiy bolalarning tarbiyaviy ishlarini va dam olishini tashkillashtiradi. Har kuni bolalar ishtirokida madaniy-ommaviy tadbirlar o‘tkaziladi. Jismoniy tarbiyani ommalashtirish maqsadida jismoniy tarbiya o‘qituvchilarining rahbarligi ostida oromgoh ichida spartakiadalar o‘tkaziladi va g‘oliblar taqdirlanadi. Bolalarning basseynlarda cho‘milishi suzish bo‘yicha rahbarlarning nazorati ostida o‘tkaziladi. Oromgohda bolalar uchun qiziqishlariga qarab turli to‘g‘araklar faoliyat ko‘rsatadi: yog‘ochni kuydirib naqsh solish, munchoq tikish, tasviriy san’at va yumshoq o‘yinchoqlar tayyorlash, aviamodellashtirish, varrak tayyorlash, loydan buyum yasag, kompyuter savodxonligi. Shuningdek oromgohda katta kutubxona faoliyat ko‘rsatadi.
Tibbiyot
Tibbiy punktda quyidagilar mavjud: shifokor kabineti, protsedura kabineti, ikkita izolyator. Tuman sog‘liqni saqlash bo‘limining yo‘llanmasi bo‘yicha oromgohda doimiy ravishda malakali shifokor-pediatr va ikkita hamshira ishlaydi, ular istalgan paytda bolalarga tibbiy yordam ko‘rsatishi mumkin. Buning uchun barcha zarur dorilar va tibbiy apparatlar bor.
Xavfsizlik
Oromgoh perimetri bo‘ylab metall to‘siq bilan o‘ralgan. Bolalarning xavfsizligini qorovullar va militsiya xodimlari ta’minlaydi, ular oromgohda bolalar dam oladigan butun davrga xizmat safariga yo‘llanadi. Bolalarni oromgohga va uyga tashish yumshoq qulay avtobuslarda va DAN mashinalari hamrohligida amalga oshiriladi.
Kun tartibi
08:00 – uyqudan turish
08:10 – ertalabki badantarbiya
09:00 – nonushta
10:30 – otryaddagi faoliyat
11:00 – ikkinchi nonushta
10:00-14:00 – to‘garaklar faoliyati
14:00 – tushlik
15:00-17:00 – tushki dam olish vaqti
17:00 – ikkinchi tushlik
18:00-19:30 – tadbirlar
19:30 – kechki ovqat
20:30 – kechki yig‘ilish (diskoteka)
22:00 – ikkinchi kechki ovqat
22:30 – uxlash vaqti
Ota-onalar uchun ma'lumot
- Bolalarni kelib ko‘rish – erkin
- Bolalar bilan muloqot ota-onalar burchagida o‘tkaziladi
- Ota-onalar hamda boshqa begona shaxslar uchun oromgoh hududiga kirish taqiqlangan
- Savollar, shikoyatlar, istaklar yuzaga kelganida, shuningdek zarur axborotni olish uchun ota-onalar tarbiyachini chaqirishlari lozim
- Nizoli vaziyat yuzaga kelgan taqdirda, oromgoh direktori chaqirtiriladi
Oromgoh ma’muriyati uyali aloqa telefoni, zargarlik buyumlari va naqd pullar yo‘qolgani uchun javobgar bo‘lmaydi!
|